Талғат Алдыбергенов ҚТЖ басшысы қызметінен босатылды

Талғат Алдыбергенов. Фото: railways.kz

Талғат Алдыбергенов "Қазақстан темір жолы" (ҚТЖ) ұлттық компаниясының басқарма төрағасы қызметінен кетті, деп хабарлайды Tengrinews.kz "Самұрық-Қазына" қорының баспасөз қызметіне сілтеме жасап.

"Жалғыз акционердің шешімімен "ҚТЖ" ҰК" акционерлік қоғамының басқарма төрағасы Талғат Сағиұлы Алдыбергеновтің өкілеттігі тоқтатылды", - делінген хабарламада.

Айта кетейік, Талғат Алдыбергенов ҚТЖ басшысы лауазымын 2025 жылдың шілдесінен бастап атқарды.

Еске салайық, бұған дейін премьер-министр Олжас Бектенов "Қазақстан темір жолы" (ҚТЖ) басшысы Талғат Алдыбергеновтің назарын транзиттік тасымал жоспарынан қалып қою мәселесіне аударды. Премьер ұлттық компания басшысының жеке жауапкершілігі туралы ескертті.

қтж Самұрық-Қазына қызметтен кету

Редакция сұрағы

Бұл туралы не ойлайсыз?

Жолдау

Пікірлер редакция тарапынан модерациядан өтеді

Пікірлерді оқу