Талғат Татубаев Сыбайлас жемқорлыққа қарсы іс-қимыл ұлттық бюросына басшы боп келді, - деп хабарлайды Tengrinews.kz тілшісі Ақордаға сілтеме жасап.
"Талғат Маратұлы Татубаев Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл ұлттық бюросының басшысы қызметіне тағайындалды", - делінген хабарламада.
Айта кетейік, осыған дейін Мемлекеттік қызмет істері және сыбайлас жемқорлыққа қарсы іс-қимыл агенттігіне басшы болып Қайрат Қожамжаров тағайындалған еді.
Талғат Татубаев 1976 жылдың 9 қазанында Қарағанды қаласында туған. 1997 жылы ол Қазақстан Республикасының Басты тергеу комитетінің Қарағандыдағы жоғарғы мектебін тәмамдаған.