17 ақпан 2021 | 16:40

Танымал актер Алатау ауданы әкімінің штаттан тыс кеңесшісі болып тағайындалды

Артур Төлепов. Фото: instagram.com/arturtolepov

Актер Артур Төлепов Алматы қаласы Алатау ауданы әкімінің штаттан тыс кеңесшісі болып тағайындалды, - деп хабарлайды Tengrinews.kz тілшісі.

Актер Артур Төлепов Алматы қаласы Алатау ауданы әкімінің штаттан тыс кеңесшісі болып тағайындалды, - деп хабарлайды Tengrinews.kz тілшісі.

Бұл туралы актер Instagram желісіндегі парақшасында хабарлады. Актердің сөзінше, ол Adaldyq alany жобалық кеңсесінің жұмыстарына жауапты болады.

Посмотреть эту публикацию в Instagram

Публикация от Artur Tolepov (@arturtolepov)

"Дүниедегі ең оңай жұмыс - кеңес беру ақыл айту. Ең қиыны - біреуге айтқан кеңесің мен ақылыңды өзің жасау. Сондықтан, жап-жас басымызбен кеңседе кеңес беріп отырмай, елдік жұмыстарға тікелей араласқан жөн болар деп ойлап, Алатау ауданындағы Adaldyq alany жобалық кеңсесінің жұмыстарын да мойынымызға алып жатырмыз.

Adaldyq alany - ҚР Сыбайлас жемқорлыққа қарсы күрес агенттігінің жобасы. Мақсаты - жемқорлыққа апаратын салдарды анықтау және болдырмау. Әсіресе, тұрмыстық коррупцияның алдын - алу. Жобаның фронт - кеңселері еліміздің барлық облыс орталықтары мен аудандарында бар. Соның бірінің жұмысы енді бізге жүктеліп жатыр", - дейді актер.

Төлепов халықтың қолдауы, ұсынысы мен пікірі қажет екенін айтады.

"Ақын болу-өз еркің, азамат болу - міндетің!" - дегендей актёр, әнші болу еркімдегі шаруа ғой. Өнер - менің еркіндігімнің әлемі. Алайда, қоғамдық-саяси жұмыстарға араласу - біздің азамат ретіндегі міндетіміз.

Әрине бұл жолда сіздердің де қолдауларыңыз, ұсыныс-пікірлеріңіз керек. Өйткені, жемқорлықты Артур Төлепов емес, адалдық жеңеді. Ал, адалдық патшалығын Adaldyq alany кеңсесі емес халық құрады", - деді актер.

Айта кетейік, Артур Төлепов "Жаужүрек мың бала" фильмінде және "Золушка Зауре", "Менің мектебім", "Тәуекел" телехикаяларына түскен. Одан бөлек, актер ән өнерін де қатар алып жүр.