+7 (777) 001 44 99
Қазақша
Русский
English
Тараз маңындағы жарылыстар кезінде қаза тапқандардың отбасына жалпы сомасы 20 миллион теңгеден беріледі. Сақтандыру төлемдері де қарастырылған. Бұл туралы "Хабар 24" телеарнасындағы "Национальный интерес" бағдарламасында төтенше жағдайлар министрі Юрий Ильин айтты, - деп хабарлайды Tengrinews.kz тілшісі.
Төтенше жағдайлар министрлігі басшысы биыл тамыздың аяғында оқ-дәрі қоймасындағы жарылыстар кезінде қаза тапқан батырларға материалдық көмек сомасы қалай белгіленгенін айтты.
"Оқиғаларға байланысты бүгін үкімет қаза болғандар отбасына 10 миллион теңгеден аудару туралы шешім қабылдады. Бес миллион теңге - жергілікті бюджет есебінен. Бес миллион теңгеден - Төтенше жағдайлар министрлігі есебінен, ерікті түрде. Сонымен қатар емделуге мұқтаж балаларға көмек.
Мемлекет тарапынан міндетті сақтандыру жағдайының болуы - бұл 60 айлық ақшалай жәрдемақы құрбан болғандардың отбасына төленетін болады. Яғни, мұнда көптеген нюанстар бар, мұрагерлік құқықты анықтау заңды, содан кейін олар бұл көмекті алады", - деді Юрий Ильин.
Еске салайық, Жамбыл облысы Байзақ ауданында орналасқан әскери бөлімде 26 тамызда сағат 19.00 шамасында қоймалардың бірінің жанында өрт шыққан. Өрт салдарынан анықталмаған заттар жарылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
