+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Тарихшы Қойшығара Салғараұлының 75 жасқа толуына орай Л.Гумилев атындағы Еуразия Ұлттық университетінде ғылыми конференция ұйымдастырылды деп хабарлайды Тengrinews.kz тілшісі.
Тарихшы Қойшығара Салғараұлының 75 жасқа толуына орай Л.Гумилев атындағы Еуразия Ұлттық университетінде ғылыми конференция ұйымдастырылды деп хабарлайды Тengrinews.kz тілшісі.
Шара барысында қазақ тарихына сүбелі үлес қосқан ғалымның еңбектері туралы Мырзатай Жолдасбеков, Намазалы Омашев секілді тұстастары баяндама жасады. Айтулы мерейтойға байланысты кеш қонақтары Қойшығара Салғараұлының мемлекетке сіңірге еңбегі туралы айта отырып, қазақ ғылымында орны туралы да әңгіме қозғады.
«Халықтың мақтанышына айналған Олжас Сүлейменов бір кездері қазақ тіліне қарсы болды. «Ресейден кетуге болмайды. Кететін болсақ, құримыз», - дегенді де айтты. Осыдан кейін не істеуге болады. Сол кездері жұрттың жүрегінде ұлттық сананы қалыптастыру деген мәселе көтерілген-тін. Қойшығара Салғараұлы осы тұрғыдан келіп, ұлттық сананы қалыптастыруға көп еңбек сіңірді. Оны қалыптастыру үшін тарихты білу керек. Тарихи сана қалыптастақаннан кейін барып ұлттық сана қалыптасады. Қойшыекеңнің атқарған еңбегі ұшан-теңіз», - деді жазушы Төлен Әбдік.
Ал "Кеңес Одағы кезінде серпіліс жасаған ғалымның бірі Қойшығара" деген пікірді философ Ғарифолла Есім мырза өрбітті.
«Біз мектепте оқығанда өтірік айтты. Кейін университетте сондай жағдай қайталанды, комсомол дегеніміз тағы өтірік болып шықты. Партияның өзі де өтірік болғанын айтуымыз керек. Хрущев съездге жинап алып тұрып, 1980 жылы коммунизм құрамыз деп тұрып тағы да өтірік соқты. Біз соған сеніп ол сөзді халыққа айттық. Біз осылайша үнемі өтіріктің ортасында жүрдік. Сондай өтіріктен аршып шығам деп белсеніп кіріскен тарихшы – Қойшығара Салғараұлы. «Алтын тамыр» атты еңбегі жарыққа шыққан кезде бұған да қолымыз жетті-ау деп қуандық. Осы орайда Қойшығара Салғараұлының еңбегі ерен», - деді Ғарифолла Есім.
