+7 (777) 001 44 99
Қазақша
Русский
English
Қазақша
Русский
English
Елорда басшысы Иманғали Тасмағамбетов жаңа Көлік мамандарының біліктілігі орталығында болды, - деп хабарлайды Тengrinews.kz сайты Астана қалалық әкімдігінің баспасөз қызметіне сілтеме жасап.
Бүгінде Орталықта 455 автобус жүргізушісі мен жолаушылар көлігінің 254 кондукторы оқып жатыр. Орталықтың өткізу қабілеттілігі айына 180-200 адамды құрайды. Жалпы, жыл соңына дейін 1500-ден астам адамды оқыту жоспарланып отыр.
"Мұның бәрі Сіздерге, ең бастысы тұрғындарға жайлы болуы үшін жасалып жатыр. Сол себепті де, біз барлық қызметті оңтайлы етуге тырысамыз. Автобустар жайлы, жүру кестесі ыңғайлы, қауіпсіздік шаралары сақталған, жүргізушілер жолаушылармен сыпайы қарым-қатынаста болуы біздің басты мақсатымыз деп біліңіздер. Сол себепті бұл мәселенің маңыздылығына келісетін шығарсыздар, - деді Тасмағанбетов жолаушы тасымалдайтын мамандарға.
Аталмыш орталық 2014 жылдың мамыр айынан бері жұмыс істеп келеді. Қазіргі уақытта Еуропа елдерінің тәжірибесін жинақтай келе, Астана қаласының көлік саласы мамандары үшін жаңа технологиялармен және жабдықтармен жарақтандырылған Орталықта сабақтар өткізіледі. Оқу барысында қалалық жолаушылар көлігінің жүргізушілері, кондукторлар, бақылау-ревизиялық қызмет мамандары, такси жүргізушілері топтарына басымдық беріледі. Сонымен қатар, Орталықта инженерлік-техникалық мамандар, жөндеу цехының жұмысшылары, BRT жаңа көлік жүйесінің мамандары және қаланың көлік секторының басқа да мамандары білім алады.
