+7 (777) 001 44 99
Қазақша
Русский
English
Оралда үшінші күн қатарынан жасөспірім іздестіріліп жатыр, - деп хабарлайды Tengrinews.kz тілшісі "Мой ГОРОД" басылымына сілтеме жасап.
17 жастағы Бибол Айболұлы 15 мамырда үйінен шығып кетіп, оралмаған. Жасөспірімнің анасы ұлы Зачаганск ауданындағы үйінен шығып, ескі әуежай маңындағы ағасына кеткенін, содан жоғалып кеткенін айтты.
"Балам бір рет үйден кетіп қалған еді, бірақ бәрі оңалды. Ішпейді, темекі шекпейді, еш жерде тіркеуде жоқ, денсаулығында да проблема жоқ. Жоғалған соң келесі күні полицияға арыз жаздық. Олар Бибол телефонын ломбардқа өткізгенін анықтады, басқа ақпарат жоқ. Біз қатты алаңдап отырмыз", - деді ол.
Жоғалған күні Биболдың үстінде қоңыр шалбар, қара киім болған. Бойы 175 сантиметр, арық денелі.
"Кімде-кім Бибол Айболұлының қайда екені туралы қандай да бір мәлімет білсе, жақындарына 8 (747) 384-91-39 немесе 102 телефондарына хабарласуын сұраймыз", - деп хабарлайды "Мой ГОРОД".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
