+7 (777) 001 44 99
Қазақша
Русский
English
Қарағанды облысының полицейлері Теміртаудың бірнеше мектебіне жарылғыш зат бар деп хабарлаған белгісіз ер адамды іздестіріп жатыр, - деп хабарлайды Tengrinews.kz тілшісі.
Түнде Теміртау полициясына қаладағы бірнеше мектепке бомба қойылды деген ақпарат түскен.
Оқиға орынына жедел қызметтер жұмылдырылған.
Полиция қызметкерлері ғимараттарды тексеріп, ешқандай жарылғыш зат таппаған.
"Аталған дерек бойынша Қазақстан Республикасы Қылмыстық Кодексінің 273-бабына сәйкес қылмыстық іс қозғалды. Қазіргі уақытта полиция қызметкерлері күдіктіні анықтау бойынша кешенді жедел-іздестіру іс-шараларын жүргізіп жатыр", - деп мәлімдеді Қарағанды облысының ПД баспасөз қызметі.
Аталмыш хабарламаға байланысты Теміртау қаласында барлық мектептер мен балабақшалар тексерілді.
"Еш жерден жарылғыш зат табылған жоқ", - деп қортындылады ПД өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
