+7 (777) 001 44 99
Қазақша
Русский
English
30 қазан 2020 | 15:46
Теміртауда полицейлермен төбелескен жүргізушілер сотталды
Теміртауда полиция қызметкерлерімен төбелескен жүргізушілер сотталды, - деп хабарлайды Tengrinews.kz тілшісі.
ПОДЕЛИТЬСЯ
Теміртауда полиция қызметкерлерімен төбелескен жүргізушілер сотталды, - деп хабарлайды Tengrinews.kz тілшісі.
Оқиға осы жылдың ақпанында болған. Жүргізушілер енгізілген шектеуге қарамастан жолға шыққан. Олар тәртіп сақшыларының талабына бағынбаған.
Екі жүргізуші бұл әрекеті үшін сот алдында жауап берді. Тергеу мәліметінше, олар полицейлерге қарсылық көрсеткен.
Бұл факт негізінде ҚР Қылмыстық кодексінің 380-бабының 1-бөлігі ("Билік өкіліне қатысты күш қолдану") бойынша қылмыстық іс қозғалған. Іс Теміртау аудандық сотында қаралды.
Тергеу барысында екі күдіктінің Өзбекстан тумалары екені анықталды.
"28 ақпанда олар көктайғаққа қарамастан жолға шығып, блокбекеттен өтіп кетпек болған. Полиция қызметкерлердің талабына бағынбай, оларға қарсылық көрсеткен. Қызметтік УАЗ көлігіні жолдан алып тастаған. Ескертулерге қарамастан жолдың қауіпті бөлігіне өтіп кеткен", - делінген хабарламада.
Сотта қылмыстық іс процессуалдық келісіммен қаралды. Сотталушылар өз кәсін мойындап, прокурормен келісімге келді. Бұл жағдайды ескере отырып, сот оларды айып тағылған бап бойынша кінәлі деп таныды. Сот күдіктілердің бірін 1,6 жылға бас бостандығын шектеуге үкім шығарды және ол пробациялық бақылауда болады. Екіншісі 1,6 жыл мерзімге шартты түрде бас бостандығынан айырылды, әрі ол елден шығарылып, оған бес жылға Қазақстанға кіруге тыйым салынды.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
