Теміртаудағы қара қар: Экология министрі өнеркəсіп орындарын тексеруді тапсырды

Есет Төлеш

Фото: Instagram/temirtau.city

Теміртаудағы өнеркәсіп орындары "қара қар" туралы хабарламаны тексереді. Бұл туралы экология, геология және табиғи ресурстар министрі Мағзұм Мырзағалиев мәлім етті, - деп хабарлайды Tengrinews.kz тілшісі.

Теміртаудағы өнеркәсіп орындары "қара қар" туралы хабарламаны тексереді. Бұл туралы экология, геология және табиғи ресурстар министрі Мағзұм Мырзағалиев мәлім етті, - деп хабарлайды Tengrinews.kz тілшісі.

"Теміртау тұрғындары тағы да қалаға таралған ыс жөнінде шағымданып жатыр. Экология департаменті табиғатты пайдаланушыларды, сондай-ақ, өнеркəсіп орындарының қолайсыз ауа райы кезіндегі қоршаған ортаға зардабын азайту шараларын орындауын тексермек", - деп жазды Мырзағалиев Twitter-парақшасында.

Оның айтуынша, тексеріс қорытындысы жұртшылыққа хабарланады.

Естеріңізге салсақ, бұған дейін Теміртау тұрғындары әлеуметтік желілерде қарайған қардың суреті мен видеосын жариялаған болатын.