+7 (777) 001 44 99
Қазақша
Русский
English
Теңіз кенішінде жазатайым оқиға салдарынан бір жұмысшы қаза тапты, - деп хабарлайды Tengrinews.kz тілшісі "Астана" телеарнасына сілтеме жасап.
Телеарна мәліметінше, құбырға сынақтар жүргізіп жатқан мезгілде бірі жүктемеге төтеп бере алмай жұмысшыға соғылған.
"2022 жылдың 24 тамызында "Қазтурборемонт" қосалқы мердігерінің Infradel Projects қызметкері Өркен вахталық қалашығының құрылыс алаңында өлі табылды.
ТШО басшылығы мен қызметкерлеріміздің атынан марқұмның отбасына шын жүректен көңіл айтамыз", - деді "Теңізшевройл" ЖШС баспасөз қызметі.
Atpress.kz басылымының мәліметінше, қаза тапқан қызметкер 50 жастағы Атырау қаласының тұрғыны екен.
Қазіргі уақытта оқиға болған кеніш аумағында барлық жұмыстар тоқтатылып, компания қызметкерлері вахталық қалашыққа жіберіліп, оқиғаға байланысты тергеу жұмыстары жүргізіліп жатыр.
"Infradel Projects мердіргер компаниясы мемлекеттік органдармен және прокуратурамен бірлесе отырып, жұмыстар жүргізіп жатырмыз. Ал, қызметкерге келсек, оның отбасымен тығыз байланыстамыз. Кеше түнде жедел түрде марқұмның денесі туған-туысқандарына жеткізілді. Біз аталған қызметкердің отбасысына өтемақы төлеуге дайынбыз. Сондай-ақ, компания қаза тапқан қызметкердің жерлеу рәсімін өткізеді", - деді Infradel Projects мердігер компаниясының өкілі.
Оқиға бойынша әзірге құзырлы органдар мәлімет берген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
