1. Басты
  2. Біл
  3. Жаңалықтар
  4. Ел жаңалықтары

Ток-шоудағы саясаткерлердің төбелесі: Бапи мен Сәмбетбай жанжалға қатысты пікір білдірді 04 желтоқсан 2020, 16:15

"Ақиқат" жалпыұлттық социал-демократиялық партиясының экс-көшбасшысы Ермұрат Бапи мен осы партияның Алматыдағы филиалының басшысы Тазабек Сәмбетбай
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Видеодан алынған кадр Видеодан алынған кадр

"Ақиқат" жалпыұлттық социал-демократиялық партиясының экс-көшбасшысы Ермұрат Бапи мен осы партияның Алматыдағы филиалының басшысы Тазабек Сәмбетбай ток-шоуда болған төбелес туралы айтты, - деп хабарлайды Tengrinews.kz тілшісі.

Саясаткерлер арасындағы төбелес 31 арнадағы "Неге?" бағдарламасында болған. Желіде ток-шоудың үзіндісі жарияланды.

Видеоға қарағанда, Ермұрат Бапиден ЖСДП партиясын 200 мың долларға сату туралы қауесет туралы сұраған жүргізушінің сұрағынан кейін төбелес шыққан. Осы сәтте Тазабек Сәмбетбай әңгімеге араласып, бұл қауесеттердің бәрі рас екенін айтып, Ермұрат Бапиді "саудагер" деп атаған және оны өтірік айтты деп айыптаған.

Оған жауап ретінде социал-демократиялық  партияның бұрынғы жетекшісі Бапи Сәмбетбайға су құйып жіберіп, артынша жұдырық ала жүгіріп, теппек болған.

Tengrinews.kz тілшісі оқиғаның мән-жайы анықтау үшін ток-шоу қонақтарымен сөйлестіп көрді.

Тазабек Самбетбай тілшімен телефон арқылы сөйлесу барысында төбелестің неден шыққанын айтып берді.

"Онда пікірталас болды - яғни ашық пікірталас, сын. Біз осы форматты сақтадық.  Жүргізуші Ермұрат Бапиден "ол партияны сатуға тырысқаны рас па?" деген сұрақ қойғанда, мен өз пікірімді қостым, партияны сатуға тырысқаны рас екенін айттым. Ол мұны қашқын олигарх Бергей Рысқалиев арқылы жүргізуге тырысқанын білемін. Сондай-ақ.  Бапи саяси алыпсатар екенін қостым. Осыдан кейін ол маған су шашып жібермек болды. (...) Осыдан кейін ол маған балағат сөздер айта бастады. Мойнымнан ұрып, аяғымен теуіп жіберді.

Осыдан кейін бізді ажыратты. Мен ұстамды болу керегін айттым. Шоудың басқа қатысушылары мені қолдады. Содан кейін біз түрлі тақырыптар бойынша пікірталасты жалғастырып, бағдарламаны соңына дейін сәтті аяқтадық", - дейді Сәмбетбай.

Сондай-ақ, ол пікірталастан кейін Ермұрат Бапимен сөйлеспегендерін айтып өтті.

"Сахна сыртында ол маған ренжігенін айтты Оны алыпсатар деп атағанымда қорлайтын ештеңе жоқ деп айттым. Ермұрат Бапидің 2019 жылы партияны сату әрекетінен басқа, мен оппозициялық "Тасжарған" газетінің 2019 жылы сатқаны туралы оқиғаны еске түсірдім, бұл жағдай Бапи басшылық еткен кезде болған", - деп мәлімдеді Тазабек Сәмбетбай.

Алайда Ермұрат Бапидің өзі журналистпен әңгімесінде өзіне тағылған айыпты жоққа шығарып, бағдарламада болған оқиғаның өз нұсқасын айтып берді.

"Жүргізуші менен партияны екі жүз мың долларға сату туралы сұрақ қойды. Енді жауап берейін деп жатқан кезде Сәмбетбай сөзімді бөле бастады. Ол 200 000 доллар Жармахан Тұяқбайдың партия алдындағы қарызы екенін біле тұра осылай істеді. Мен партияны төрағасы ретінде қабылдағанымда оны қарызымен бірге қабылдадым және сол қарызына байланысты қолхат бердім. Партиялық төңкерістен кейін олар бәрін өзгертті, мені сатқысы келеді деп айтты. Бұл өте ұят, негізсіз айыптау. Сатқым келсе, неге мен мен қолхат беремін. Бар болғаны осыны түсіндіргім келген. Ол болса менің сөзімді қайта-қайта бөле берді. Әрі қарай видеодан көрдіңіздер", - дейді Ермұрат Бапи.

Сондай-ақ, қарсыламен татуласпайтынын айтып өтті.

Айта кетейік, екі саясаткер де бұл видеоның алдын ала ойластырылмағанын айтып өтті. Сәмбетбайдың айтуынша, мұндай жағдайлар екеуінің де беделіне нұқсан келтіреді.

"Пікір қалдырушылардың 90 пайызы мені қолдап жатыр өйткені мен ер адаммын. Білесіз бе, шетелде оқитын балам маған мынадай SMS жіберді: "әке, барлығы дұрыс, сіз барлық қорлау үшін бір соққымен жауап бердіңіз" деп жазды. Бұл мені тыныштандырды. Әлеуметтік желілерде боттар көп, сондықтан мен ешкімге жауап бермеймін. 22 жыл тура жолмен келе жатырмын, ешкімге опасыздық жасамадым. Тек ар-ұжданымның алдында жауап бере аламын", - деді Ермұрат Бапи.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!