+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Мемлекет басшысы Мысыр Араб Республикасының президенті Әбдел Фаттах ас-Сисимен телефон арқылы сөйлесті, - деп хабарлайды Tengrinews.kz тілшісі Ақорданың ресми сайтына сілтеме жасап.
Мемлекет басшысы Мысыр Араб Республикасының президенті Әбдел Фаттах ас-Сисимен телефон арқылы сөйлесті, - деп хабарлайды Tengrinews.kz тілшісі Ақорданың ресми сайтына сілтеме жасап.
Мысыр тарапының бастамасымен ұйымдастырылған жоғары деңгейдегі сұхбат барысында мемлекет басшылары екіжақты қатынастардың қазіргі жағдайы мен бағыттарын талқылады.
Қасым-Жомарт Тоқаев қазақ-мысыр қатынасының тамыры терең болғанымен, екі ел арасындағы заманауи дипломатиялық қатынастардың орнағанына биыл 30 жыл ғана толғанын атап өтті. Осы мерзім ішінде екіжақты ынтымақтастықтың әртүрлі саласы бойынша бірқатар жетістіктерге қол жеткізілді. Дегенмен бүгінде екі ел арасындағы байланыстарының әлеуеті толық пайдаланылмай отырғанына назар аударған Қасым-Жомарт Тоқаев Мысыр тарапын сауда-экономика саласындағы ықпалдастықты дамытуға шақырды.
Сонымен қатар, Мемлекет басшысы қаңтар оқиғаларына қатысты алаңдаушылық танытып, ниеттес екенін білдіргені үшін Әбдел Фаттах ас-Сиси мен Мысыр халқына алғысын жеткізді.
Қасым-Жомарт Тоқаев еліміздегі жағдайдың тұрақталғанын айтып, әлеуметтік-экономикалық қайта құрудың жаңа стратегиясын жүзеге асыру шаралары қабылданғанына тоқталды. Президенттің айтуынша, Қазақстан халқы болашаққа нық сеніммен қарайды.
Сұхбат соңында Мемлекет басшысы Мысыр президентін Қазақстанға өзіне қолайлы мерзімде сапармен келуге шақырды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
