Мемлекет басшысы Қасым-Жомарт Тоқаев Атырау облысына дәрігерлер жіберілетінін мәлімдеді, - деп хабарлайды Tengrinews.kz тілшісі.
"Атырау облысындағы ахуал туралы қоғам өкілдерінің шағымдарымен таныстым. Премьер-Министрдің орынбасары бастаған комиссия аймаққа барып қайтты. Үкімет өңірге дәрігерлер жібереді, дәрі-дәрмек жеткізіп, көмектеседі", - делінген Президенттің Twitter желісіндегі жазбасында.
Мұның алдында өңірде дәрігерлер мен дәрі-дәрмек жетіспей жатқаны хабарланған еді.
Еске салайық, Атырау облысында coronavirus2020.kz сайтының мәліметінше, 7393 адам коронавирус жұқтырған. Айыққандар саны - 4729. 13 адам қайтыс болған.
Қазақстан жаңалықтары. Соңғы жаңалықтар. Telegram желісінде бізге жазыл!
