+7 (777) 001 44 99
Қазақша
Русский
English
Нұр-Сұлтан әкімі Алтай Көлгінов Мемлекет басшысы Қасым-Жомарт Тоқаев барған мектепте жұмыс қалай жүргізіліп жатқанын айтты, - деп хабарлайды Tengrinews.kz тілшісі.
"55 жыл бұрын салынған екі мектепке бардым. Олардың бірі – №23 орта мектеп (Өндіріс тұрғын алабы). Оқу орнының жобалық қуаты – 350 орын. Бұл мектепке Мемлекет басшысы барып, жаңа мектеп салуды тапсырған болатын", - деп жазды әкім Instagram желісіндегі парақшасында.
Фото: Александр Куприенко
Қазіргі оқу орны аумағында жаңа бесқабатты мектеп салынып жатыр. Ол тағы 1200 оқушыны екі ауысымда қабылдай алады.
"Яғни, жаңа мектеп қазіргіден екі есе үлкен болады", - деді Көлгінов.
Фото: Александр Куприенко
Бұған қоса әкім №25 орта мектеп директоры және мұғалімдерімен кездескен. Ол тағы бір мектеп салу мәселесін қарастыруды тапсырды.
Фото: Александр Куприенко
Биыл қалада 12 мектеп салынған. Бұл 2019 жылмен салыстырғанда екі есе көп.
Фото: Александр Куприенко
"Көктемнен бастап 2021 жылға дайындалдық. Енді шағын мектептерден үлкен мектептер құрылысына көшеміз. Келесі жылы 20 мың орындық (екі ауысыммен - 40 мың орын) мектептер салуды жоспарлап отырмыз. Бұл - оқушылар орны 2020 жылдан екі есе, ал 2019 жылдан 4 есе көп болады деген сөз", - деді Көлгінов.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
