+7 (777) 001 44 99
Қазақша
Русский
English
23 тамыз 2021 | 13:14
Тоқаев халық әртісі Әлібек Дінішевті марапаттады
Мемлекет басшысы Қасым-Жомарт Тоқаев халық әртісі Әлібек Дінішевті "Қазақстанның Еңбек Ері" атағымен марапаттады, - деп хабарлайды Tengrinews.kz тілшісі.
ПОДЕЛИТЬСЯ
Мемлекет басшысы Қасым-Жомарт Тоқаев халық әртісі Әлібек Дінішевті "Қазақстанның Еңбек Ері" атағымен марапаттады, - деп хабарлайды Tengrinews.kz тілшісі.
Мемлекет басшысы мәдениет майталманын мерейтойымен құттықтап, өнерге сіңірген еңбегін жоғары бағалады. Әлібек Дінішевтің жарты ғасырға жуық атқарған қызметіне ризашылығын білдірді.
"Қазақтың маңдайына біткен ең дарынды тұлғаларымыздың бірісіз. Бәріміз сізді мақтан тұтамыз. Қазақстанда да, шет мемлекеттерде де өзіңізді білмейтін адам жоқ. Әлемдік деңгейде сіздің өнеріңізді бәрі жоғары бағалайды. Педагог ретінде де, қоғамдық жұмыстарда да белсендісіз. Тәуелсіз еліміздің дамуына сіңірген еңбегіңіз орасан. Осы қызметіңізді ескере отырып, Отандық мәдениетті дамыту мен музыка өнерін дәріптеудегі айрықша еңбегіңіз үшін жоғары дәрежелі ерекшелік белгісі - "Қазақстанның Еңбек Ері" атағын беру туралы шешім қабылданды. Мен оны лайықты шешім деп есептеймін", - деді Қазақстан Президенті.
Әлібек Дінішев Мемлекет басшысына еңбегін бағалап, құрмет көрсеткені үшін алғысын білдірді.
"Менің шығармашылығымды бағалап, көрсетіп жатқан құрметіңіз үшін алғыс айтамын. Өзіңіз айтқандай еліміздің де, шет мемлекеттердің де сахнасында өнер көрсетіп келе жатқаныма 45 жыл болған екен. 70 жас мерейтойыма жоғары дәрежелі "Қазақстанның Еңбек Ері" атағын беріп жатырсыздар. Шексіз ризашылығымды білдіремін", - деді Әлібек Дінішев.
Қасым-Жомарт Тоқаев қабылдау соңында Әлібек Дінішевке денсаулық, кәсіби және қоғамдық жұмысына табыс тіледі.
Айта кетейік, бұған дейін Мемлекет басшысына Алматы әкімі қаланы абаттандыру жөніндегі жобаларды көрсеткені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
