+7 (777) 001 44 99
Қазақша
Русский
English
Қазақша
Русский
English
Тоқаев халықтың табысын арттыруды қамтамасыз ететін жоба жасауды тапсырды. Елдегі кедейлікті төмендету үшін нақты шаралар қабылдау қажеттігін атап өтті, - деп хабарлайды Tengrinews.kz тілшісі.
"Шаралар кешені қабылданып, халықтың табысын арттыратын бағдарлама жасалуы керек. Жұмыс нақты әрі мақсатты болуы тиіс. Әрбір басқару деңгейінде кедейлікті азайтудың нақты көрсеткіштері белгіленуі керек. Жұмысқа мұқтаж жандардың нақты санын анықтау қажет", - деді ол Мәжіліс отырысында.
Президент Үкіметке "Атамекен" кәсіпкерлігімен бірлесіп екі ай ішінде халық табысын арттыратын бағдарлама құруды тапсырды.
"Мемлекет Әлеуметтік кодекстің қабылдануын қамтамасыз ету керек. Бұл құжат әлеуметтік саясат бағытында жаңа жағдайларға, пандемияны негізге ала отырып жасалуы қажет. Әлеуметтік кодекс жаңа әлеуметтік келісімшарттың негізгі элементі болуы тиіс", - деді Мемлекет басшысы.
Тоқаевтың айтуынша, жастар арасындағы жұмыссыздықты азайтуға баса назар аудару керек.
"Жоғары оқу орындарының, колледждердің түлектері мен білімі жоқ жастардың тұрақты жұмысқа орналасу мүмкіндігі әрқашан бола бермейді. Жастар қарапайым жұмыс жасау арқылы өмір сүреді. Кейбіреулер табыс таппағандықтан түрлі заң бұзушылықтарға баруы мүмкін.
Үкіметке "Жастар тәжірибесі", "Алғашқы жұмыс орны" жобалары бойынша қатысу ұзақтығы мен сыйақы мөлшерін арттыруды тапсырамын. Жастар мен халықтың осал топтарының бизнес-бастамаларын жүзеге асыру үшін жағдай жасау маңызды. Үкіметке тиісті грантты екі есеге арттыру мүмкіндігін пысықтау тапсырылды. 400 АЕК-ке дейін", – деді Тоқаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
