+7 (777) 001 44 99
Қазақша
Русский
English
Қазақстан Президенті Қасым-Жомарт Тоқаев жаңадан тағайындалған әкімдерді халық сенімін ақтауға шақырды, - деп хабарлайды Tengrinews.kz тілшісі.
"Сондай-ақ ауылдағы әлеуметтік салада өзгерістер болады. Ауылдың денсаулық сақтау жүйесін жаңғырту үшін арнайы жоба қолға алынады. Шамамен 700 жаңа медицина нысаны салынады. Көп салалы 32 аудандық ауруханада жаңғырту жұмыстары жүргізіледі. Осының бәріне 200 миллиард теңгеден астам қаражат бөлінеді", - деді Тоқаев Үкіметтің кеңейтілген отырысында.
Президенттің айтуынша, жалпы, аймақтарда инфрақұрылымға қатысты мәселелер аз емес.
"Тұрғын үй тапшылығы, жылу, энергия және су желілерінің ескіргені, жолдардың тозып тұрғаны баршаға мәлім. Бүгінгі басқосуға облыс әкімдері қатысып отыр. Жаңадан тағайындалған басшылар да бар. Сіздерге сенім артамыз. Әр аймақты тұрмыс сапасы жоғары "қуатты өңірге" айналдыру үшін зор мүмкіндік беріліп отыр. Табанды жұмыс істеу қажет", - деді Тоқаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
