23 ақпан 2022 | 08:47

Тоқаев Лакшми Митталды қазақстандық жұмысшыларға лайықты еңбекақы төлеуге шақырды

Лакшми Миттал. © akorda.kz

Мемлекет басшысы Қасым-Жомарт Тоқаев "АрселорМиттал" компаниясының басқарма төрағасы - бас атқарушы директоры Лакшми Митталмен кездесу өткізіп, қазақстандық жұмысшыларға лайықты еңбекақы төленуге тиіс екенін айтты, - деп хабарлайды Tengrinews.kz тілшісі Ақордаға сілтеме жасап.

Мемлекет басшысы Қасым-Жомарт Тоқаев "АрселорМиттал" компаниясының басқарма төрағасы - бас атқарушы директоры Лакшми Митталмен кездесу өткізіп, қазақстандық жұмысшыларға лайықты еңбекақы төленуге тиіс екенін айтты, - деп хабарлайды Tengrinews.kz тілшісі Ақордаға сілтеме жасап.

Бейнебайланыс режимінде өткен кездесуде Қасым-Жомарт Тоқаев пен Лакшми Миттал "АрселорМиттал Теміртау" компаниясының жұмысына қатысты бірқатар өзекті мәселені талқылады.

Президентке компанияның инвестициялық бағдарламасы және өндірісті ұлғайту, өнімнің жаңа түрлерін шығару, сондай-ақ Қазақстанмен алдағы уақыттағы серіктестік аясында әлеуметтік міндеттемелерді орындау жөніндегі жоспары туралы мәлімет берілді. Сондай-ақ құрал-жабдықтарды жаңарту, материалдық-техникалық базаны жақсарту, кәсіпорындардағы еңбекті қорғау мәселелері қарастырылды.

Мемлекет басшысы қауіпсіз жұмыс ортасын қамтамасыз етудің, халықаралық қауіпсіздік талаптарын сақтаудың және қызметкерлерді оқытудың аса маңызды екенін атап өтті. Қасым-Жомарт Тоқаев қазақстандық жұмысшыларға лайықты еңбекақы төленуге тиіс екенін айтты.

Сонымен қатар "АрселорМиттал Теміртау" компаниясының 2024 жылға қарай қалдықтарды 30 пайызға, ал 2030 жылға қарай 50 пайызға азайту, сондай-ақ осы стратегияны іске асыруға Қарағанды облысының жұртшылығын тарту үшін қабылдап жатқан шараларына ерекше назар аударылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Тоқаев Қасым-Жомарт АрселорМиттал Жалақы Еңбекақы