Тоқаев маңғыстаулық жастардың тек мұнайшы болғысы келетінін айтты

Гүлнара Досымшалова Корреспондент

Қасым-Жомарт Тоқаев еліміздің әлеуметтік-экономикалық дамуы мәселелеріне арналған жиын барысында Маңғыстау облысы жастарының тек мұнай саласында жұмыс істеуге деген ұмтылысы туралы айтты, - деп хабарлайды Tengrinews.kz тілшісі.

Қасым-Жомарт Тоқаев еліміздің әлеуметтік-экономикалық дамуы мәселелеріне арналған жиын барысында Маңғыстау облысы жастарының тек мұнай саласында жұмыс істеуге деген ұмтылысы туралы айтты, - деп хабарлайды Tengrinews.kz тілшісі.

"Батыс аймақтарда, әсіресе Маңғыстауда көптеген жастар тек мұнай саласында жұмыс істегісі келеді. Бұл дұрыс емес. Мұнай қоры таусылғанда аймақтағы ахуал тіпті күрделі болып кетуі мүмкін. Сондықтан жастардың басқа да кәсіптерді игеруіне жағдай жасауымыз керек. Бұл жұмысты арнайы жоспар бойынша атқару қажет", - дейді Мемлекет басшысы.

Мемлекет басшысының айтуынша, бүгінде ақпараттық технологиялар бүкіл әлемде жетекші салаға айналып отыр.

"Осындай технологияларды Маңғыстау облысын дамыту ісінде қолдануға болады. Жалпы, біз көзі ашық, білімді жастарды тәрбиелеуіміз керек. Өскелең ұрпақ келешекке сеніммен қарауы қажет. Бұл үлкен жұмыс. Бұл әкімнің, Үкіметтің құзырында тұрақты түрде болуы керек", - дейді Тоқаев.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

тоқаев Маңғыстау облысы