+7 (777) 001 44 99
Қазақша
Русский
English
05 қазан 2022 | 16:17
Тоқаев Павлодар облысын газдандыру жөнінде тапсырма берді
Президент Қасым-Жомарт Тоқаев Үкіметке Павлодар облысын газбен қамту мәселесін бірінші кезекте шешуді тапсырды, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
ПОДЕЛИТЬСЯ
Президент Қасым-Жомарт Тоқаев Үкіметке Павлодар облысын газбен қамту мәселесін бірінші кезекте шешуді тапсырды, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Павлодар облысы жұртшылығымен кездесуінде Тоқаев өнеркәсіпті дамыту қоршаған ортаға ауыр жүктеме түсіретінін атап өтті. Оның айтуынша, Павлодар облысында еліміздегі зиян шығарындылардың үштен бірі шығады. Бұл жыл сайын шамамен, 700 мың тонна.
"Күнделікті еңбегі бүкіл елдің индустриялық өсуінің негізі саналатын өңір тұрғындары туған өлкенің қоршаған ортасының жай-күйіне қатты алаңдайды. Экологиялық жағдай - азаматтардың өмір сүру сапасының маңызды көрсеткіші. Сондықтан өндірістік әлеуетті күшейту мен экологияны қорғау арасындағы тепе-теңдікті сақтау өте маңызды. Еске сала кетейін, Қазақстан 2060 жылға қарай көміртегі бейтараптығына қолжеткізу ниетін жариялады", - деді Қасым-Жомарт Тоқаев.
Президенттің айтуынша, тағы бір маңызды мәселе – газдандыру.
"Үкімет аймақты газбен қамтамасыз ету жолдарына басымдық беруі керек. Бұл жасыл күн тәртібін толық жүзеге асыруға және нақты тұрақты дамуға бағытталған маңызды қадам болады", - деп қосты ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
