1. Басты
  2. Біл
  3. Жаңалықтар
  4. Ел жаңалықтары

Тоқаев Путинді Қазақстанға шақырды

© akorda.kz © akorda.kz

Президент Қасым-Жомарт Тоқаев Ресей Федерациясының басшысы Владимир Путинмен телефон арқылы сөйлесті, деп хабарлайды Tengrinews.kz тілшісі Ақордаға сілтеме жасап.

Мемлекет басшылары екі ел арасындағы жан-жақты ынтымақтастық пен стратегиялық әріптестіктің үдемелі дамуына, сондай-ақ қалыптасқан сенімді байланыстарға қанағаттанушылық білдірді, бұл Қазақстан мен Ресейдің одан әрі жақындасуының ортақ ісіне пайда болуда.

Қасым-Жомарт Тоқаев Владимир Путинді келесі жылы елімізге ресми сапармен келуге шақырды.

Мемлекет басшылары екіжақты және көпжақты форматтағы бірлескен жұмысты жалғастыруға уағдаласты, сондай-ақ жаңа жылдық құттықтаулармен алмасты.