+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Мемлекет басшысы жұмыс сапарымен Атырау облысына келіп, облыс жұртшылығымен кездесті, - деп хабарлайды Tengrinews.kz тілшісі.
Мемлекет басшысы жұмыс сапарымен Атырау облысына келіп, облыс жұртшылығымен кездесті, - деп хабарлайды Tengrinews.kz тілшісі.
Тоқаев кездесуде облыстағы ірі мұнай сақтау қоймасының құрылысы туралы айтты.
"ҚазМұнайГазға экологиялық талаптарды ескере отырып, Атырау облысында ірі мұнай қоймасын салу мәселесін қарастыруды тапсырамын. Энергетика министрлігі қоймаларды салуға қатысты ірі тау-кен компанияларымен келіссөздер жүргізуі керек", - деді Мемлекет басшысы.
Сонымен қатар, президент мұнай саласындағы еңбек нарығында жедел шешуді қажет ететін бірқатар мәселелер бар екенін айтты.
"Біз болашақта жұмыссыздықтың пайда болуына жол бермеуіміз керек. Үкімет негізгі шетелдік компаниялармен белсенді ынтымақтаса отырып, бұл маңызды мәселені бақылауда ұстауы қажет. Үкіметке бұл міндеттерді жүзеге асыруға дереу кірісуді тапсырамын", - деп толықтырды Тоқаев.
Мемлекет басшысы өңірде жұмыс істейтін шетелдік компаниялар білім беру, денсаулық сақтау және экология салаларындағы өңірлік мәселелерді шешуге атсалысуы керектігін атап өтті.
"Үкімет әкімдікпен бірлесе отырып, бұл жұмысқа инвесторларды тартуы қажет. Әлеуметтік жобаларды жүзеге асыруға ерекше көңіл бөлу керек. Бұл мәселені Президент жанындағы Шетелдік инвесторлар кеңесінің қарауына шығару керек. Мүдделерді негізге ала отырып. инвесторлармен бас келісімдер жасау мәселесін пысықтауды тапсырамын", - деді Тоқаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
