Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Тоқаев Сауд Арабиясы королінің жерлеу рәсіміне қатысады

23 Қаңтар 2015, 13:19
0
Қасым-Жомарт Тоқаев. ©REUTERS
Қасым-Жомарт Тоқаев. ©REUTERS

Парламент Сенатының төрағасы Қасым-Жомарт Тоқаев Сауд Арабиясы королінің жерлеу рәсіміне барады, - деп хабарлайды Tengrinews.kz тілшісі жоғарғы палатаның баспасөз қызметіне сілтеме жасап. 

"Қазақстан Республикасы Парламенті Сенатының төрағасы Қасым-Жомарт Тоқаев Мемлекет басшысы Нұрсұлтан Назарбаевтың тапсырмасы бойынша Қос Киенің сақшысы, Сауд Арабиясы королі Абдалла бен Әбдел Әзиз әл-Саудты жерлеу рәсіміне қатысады. Сенат төрағасы Сауд Арабиясының жаңа короліне Қазақстанның Президенті көңіл айтқан жеке жолдауды жеткізеді", - делінген хабарламада. 

Сауд Арабиясының алтыншы королі Абдалла ибн Әбдел Әзиз әл-Сауд 23 қаңтарға қараған түні қайтыс болған еді. Бұл туралы елдің мемлекеттік телеарнасының тікелей эфирінде хабарланды. 

Монарх ауруханада 91-ге қараған шағында қайтыс болды. Бірнеше апта бұрын Абдалла өкпесінің қабынуына байланысты Эр-Рияд ауруханаларының біріне жатқызылған. Соңғы жылдары Сауд Арабиясы королі омыртқасына бірнеше рет операция жасатты.

Оның інісі - 79 жастағы Салман ибн Әбдел Әзиз әл-Сауд Сауд Арабиясының жетінші королі атанды. Жаңа монарх тақ мұрагері ретінде корольдіктің министрлер кеңесі басшысының орынбасары қызметін атқаратын Мукрин ханзаданы атады. Ол - қайтыс болған Абдалла корольдің өгей бауыры.

Абдалла ибн Әбдел Әзиз әл-Сауд таққа 2005 жылдың 1 тамызында отырды. Ол қазіргі замандағы ең егде ел билеушілердің бірі болды. Forbes журналы 2013 жылы оның дәулетін 18 миллиард доллар деп бағалады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай