Тоқаев тағы бір жаңа заңға қол қойды

Дина Шарипханова Корреспондент

Мемлекет басшысы "Қазақстан Республикасының кейбір заңнамалық актілеріне әскери-патриоттық тәрбие, әскери қызмет және жекелеген орталық мемлекеттік органдардың функцияларын қайта бөлу мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, - деп хабарлайды Tengrinews.kz тілшісі Ақордаға сілтеме жасап.

Мемлекет басшысы "Қазақстан Республикасының кейбір заңнамалық актілеріне әскери-патриоттық тәрбие, әскери қызмет және жекелеген орталық мемлекеттік органдардың функцияларын қайта бөлу мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, - деп хабарлайды Tengrinews.kz тілшісі Ақордаға сілтеме жасап.

Заңмен Еңбек кодексіне, "Қазақстан Республикасының қорғанысы және Қарулы Күштері туралы", "Білім туралы", "Әскери қызмет және әскери қызметшілердің мәртебесі туралы", "Қорғаныс өнеркәсібі және мемлекеттік қорғаныстық тапсырыс туралы" заңдарға және басқа да заңнамалық актілерге өзгерістер мен толықтырулар енгізілді.

Түзетулердің бірінші блогы азаматтарды әскери-патриоттық тұрғыдан тәрбиелеу жүйесін жетілдіруді және осы саладағы жұмысты күшейтуді көздейді.

Екінші блок әскери міндеттілерді даярлау және қайта даярлау деңгейін арттыруды мақсат тұтады.

Үшінші блок әскери есеп жүргізу және әскери қызметке шақыру жүйесін жетілдіруге бағытталған.

Төртінші блок әскери атақтар беру тәртібін оңтайландыруға, Қазақстан Республикасының Қарулы Күштерін, басқа да әскерлері мен әскери құралымдарын жасақтауға және әскери қызметшілердің мәртебесін биіктетуге арналған.

Бесінші блок мерзімді әскери қызметтің беделін көтеруді қарастырады.

Алтыншы блок жастарды әскери қызметке кешенді даярлауға жағдай жасау мәселесін назарға алған.

Жетінші блок мемлекеттік қорғаныс тапсырысын іске асыруды дамытуға көңіл бөледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Қасым-Жомарт Тоқаев ақорда