+7 (777) 001 44 99
Қазақша
Русский
English
Президент Қасым-Жомарт Тоқаев Қазақстан Ұлттық банкінің жұмысы туралы пікір білдірді, - деп хабарлайды Tengrinews.kz тілшісі.
Үкіметтің кеңейтілген отырысында Ұлттық банк төрағасы Тимур Сүлейменовтің баяндамасынан кейін Тоқаев реттеуші органның жұмысы ағымдағы режимде жүргізіліп жатқанын атап өтті, "дегенмен, әрине, сұрақтар бар". Ең алдымен, халықты ұлттық валютаның құбылмалылығы алаңдатады.
"Сарапшылар америкалық доллардың нығаюына байланысты теңге бағамына қысым түседі деп болжап отыр. Жалпы, валютаның тұрақтылығын қамтамасыз ету, инфляцияны тежеу – бұл аса маңызды жұмыс. Тіпті, қазір бұл Үкіметпен тығыз ынтымақтастықта атқарылуы тиіс негізгі жұмыс деуге болады. Бұрынғы тәуелсізбіз, өз бетімізше әрекет етеміз деген ұстанымдар қазіргі жағдайда өзектілігін жоғалтты, себебі жағдай ерекше. Бұл туралы кейінірек пікірімді білдіремін", – деді Қасым-Жомарт Тоқаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
