+7 (777) 001 44 99
Қазақша
Русский
English
ҚР премьер-министрі Әлихан Смайылов Президенттің сынынан кейінгі Үкімет жұмысы туралы сұраққа жауап берді, - деп хабарлайды Tengrinews.kz тілшісі.
Әлихан Смайылов Tengrinews.kz тілшісіне берген сұхбатында Министрлер кабинеті бірнеше бағытта жұмысты күшейткенін атап өтті. Еске салайық, Үкіметтің кеңейтілген отырысында Қасым-Жомарт Тоқаев өзекті тақырыптар бойынша мәселелерді қозғап, кейбір министрлерге сөгіс жариялаған болатын.
"Мемлекет басшысы бірқатар өте маңызды мәселелерге назар аударды. Бұл, ең алдымен, бағаның өсуін тұрақтандыру мәселелері, оның ішінде азық-түлік тауарлары. Халық табысын арттыру мәселелері, ақша-несие және салық-бюджет саясаты, энергетикалық және энергетикалық қауіпсіздікті дамыту, жол шаруашылығы мәселелері. Нұсқауда айтылғандарды ескере отырып, өз іс-әрекеттерімізді реттеп, жұмыстың маңызды бағыттарына көбірек көңіл бөліп жатырмыз", - деді премьер-министр Әлихан Смайылов сұхбатында.
Премьер-министрдің айтуынша, Министрлер кабинеті қазір макроэкономикалық тұрақтылықты қамтамасыз ету үшін жұмыс істеп жатыр. Нарықты отандық тауарлармен толтыру жұмыстары жүргізіліп жатыр.
"Импортты алмастыру, экономиканы әртараптандыру мәселелері өте өткір. Біз дәрігерлердің, мұғалімдердің, бюджеттік сала қызметкерлерінің жалақысын көтеруге күш салып жатырмыз. Сондай-ақ, жеке кәсіпорындармен жұмыс істеп жатырмыз, олар өз қызметкерлерінің жалақысын кезең-кезеңімен көтеру үшін", – деді Қазақстан премьер-министрі.
Әлихан Смайылов отандық экономиканы тежейтін немесе кері әсер ететін сыртқы жағымсыз факторларға қарамастан, Үкімет барлық салада кешенді түрде жұмыс істеп жатқанын атап өтті.
"Менің ойымша, мұны еңсеруге болады және қабылданған шаралар арқылы жағдайды бірте-бірте жақсы жағына қарай түзейміз", - дейді Үкімет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
