+7 (777) 001 44 99
Қазақша
Русский
English
Алматы бас мемлекеттік санитар дәрігері Жандарбек Бекшин қаладағы мектеп оқушыларының кезекші сабақтарда маска кию мәселесіне қатысты пікір білдірді, - деп хабарлайды Tengrinews.kz тілшісі.
Онлайн-брифингте Жандарбек Бекшинге балалардың ұзақ уақыт маска киюі зиян емес пе деген сұрақ қойылған.
"Мектеп оқушылары күніне 3-4 сабақтан артық оқымайды. Сондықтан менің ойымша, бала төрт сағат маска тағуға шыдайды. Екі сағат сайын ауысым болады, мұғалімдер бұған қатаң қарайды", - деді Алматы бас мемлекеттік санитар дәрігері.
Жандарбек Бекшин балаларды маскалармен қамтамасыз ету мәселесі ата-аналарға жүктелгенін атап өтті. Кейбір жағдайда балаларға масканы мектеп береді. Бұл медициналық бұйым сатып ала алмайтын отбасыларға қатысты.
Еске салайық, 1 қыркүйектен бастап 1-4 сынып оқушылары ата-аналардың өтінімі бойынша кезекші сыныптарда оқиды. Алматыда 1-2 сынып оқушылары мектеп қабырғасында тәлім алады.
Қазақстан жаңалықтары. Соңғы жаңалықтар. Telegram желісінде бізге жазыл!
