Төтенше өрт қаупі жоғары: Қазақстанның бірнеше өңірінде ескерту жарияланды

Дина Шарипханова Корреспондент

Қазгидромет өрт қаупіне байланысты Астанада және Қазақстанның он төрт облысында ескерту жариялады, - деп хабарлайды Tengrinews.kz тілшісі.

Қазгидромет өрт қаупіне байланысты Астанада және Қазақстанның он төрт облысында ескерту жариялады, - деп хабарлайды Tengrinews.kz тілшісі.

Астанада 5 маусымда 36-38 градус қатты ыстық болады деп күтіледі. Елордада төтенше өрт қаупі сақталған.

Дүйсенбіде түстен кейін Абай облысының оңтүстігінде секундына 15-20 метр жел соғады және облыстың көп бөлігінде 35-37 градус ыстық сақталады. Төтенше өрт қаупі бар.

Ақмола облысында 35-39 градус ыстық және өрт қаупі жоғары.

Ақтөбе облысының басым бөлігінде 35-38 градус ыстық сақталады. Облыстың батысында, оңтүстік-шығысында төтенше өрт қаупі бар.

Оңтүстікте, Алматы облысының таулы аудандарында найзағай күтіледі. Оңтүстік-батыс желі соғады, найзағай кезінде екпіні секундына 15-20 метр болады. Күндіз облыстың көп бөлігінде 36 градус ыстық болады деп күтіледі.

Атырау облысының батысында қатты жаңбыр, найзағай, бұршақ жауады деп күтіледі. Күндіз аймақтың көп бөлігінде 38 градус ыстық сақталады. Облыстың солтүстігінде, шығысында төтенше өрт қаупі сақталады.

Күндіз Шығыс Қазақстан облысының басым бөлігінде 35 градус қатты ыстық сақталады. Облыстың солтүстік-батысында төтенше өрт қаупі жоғары.

Жамбыл облысының таулы аудандарында найзағай күтіледі. Облыстың солтүстігінде құмды дауыл тұрады. Өрт қаупі жоғары.

Күндіз Батыс Қазақстан облысының батысында, оңтүстігінде найзағай күтіледі. Облыстың шығыс жартысында төтенше өрт қаупі бар.

Күндіз Қарағанды облысының оңтүстігінде 41 градус аптап болады деп күтіледі. Төтенше өрт қаупі сақталады.

Таңертең және түстен кейін Қостанай облысының батысында, солтүстігінде, оңтүстігінде найзағай күтіледі. Жел оңтүстік-шығыстан солтүстік-шығысқа ауысады, күндіз батыста, облыстың солтүстігінде екпіні секундына 15-20 метр. Күндіз аймақтың көп бөлігінде 39 градусқа дейін қатты ыстық сақталады.

Қызылорда облысында 40 градус қатты ыстық болады деп болжанған. Төтенше өрт қаупі сақталады.

Түнде және таңертең Маңғыстау облысының батысында тұман күтіледі. Күндіз облыстың көп бөлігінде 38 градус қатты ыстық, төтенше өрт қаупі күтіледі.

Күндіз Павлодар облысының басым бөлігінде 35-39 градус қатты ыстық және төтенше өрт қаупі сақталады.

Ұлытау облысының басым бөлігінде 35-38 градус қатты ыстық және төтенше өрт қаупі сақталады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!