+7 (777) 001 44 99
Қазақша
Русский
English
Референдумға бақылаушы ретінде келген Түркия Жоғары сайлау кеңесінің төрағасы Мухарем Аккайя Қазақстандағы дауыс беру барысына қатысты өз ойын айтты, - деп хабарлайды Tengrinews.kz тілшісі.
Осыдан екі күн бұрын Мухарем Аккайя алғаш рет Түркістанға келіп, дайындық барысын бақылаған.
"Ұйымдастыру жұмыстары жоғары деңгейде жүргізілді, біз қаншама күш жұмсалғанын көрдік, өйткені бәрі айтарлықтай жоғары деңгейде өтті. Бүгін таңертең бірнеше сайлау учаскелерін араладық, онда халықтың референдумға деген ықыласын көрдік. Сайлаушылар белсенділік танытып, бәрі тәртіпке сай өтіп жатқанын көрдік. Әрине, референдум жиі қолданылатын құрал емес, бірақ ол демократияға апаратын құрал", - деді Аккайя брифингте.
Оның айтуынша, референдум Қазақстан халқының болашағы үшін өте маңызды.
"Мен алдыңғы сайлауларға қатыстым, онда ақпараттық технологиялар мүмкіндігін шебер пайдаланды. Бұл - өте жақсы тәжірибе. Бұл тұрғыда үйренетін және алға жылжытатын нәрсе бар деп ойлаймын. Қазақстандық әріптестерімнен тәжірибе алу пайдалы болады деп ойлаймын", - деді ол.
ТМД Парламентаралық Ассамблеясының бақылаушысы Олег Цепкин референдум кезінде ешқандай заңбұзушылықты көрмегенін атап өтті.
"Міндет - қауіп-қатердің алдын алу. Бұл туралы Президент сұхбатында айтты. Ел басшылығының мұндай әрекеттерге дер кезінде ден қойғаны жақсы әрі дұрыс деп аралық қорытынды жасауға болады", - деп Цепкин, қаңтардағы оқиға террористік әрекет екені анық екенін атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
