28 шілде 2018 | 13:32

Түркістан облысында аудан әкімінің не үшін ұсталғаны анықталды

Түркістан облысы Ордабасы ауданының әкімі пара алып жатқан жерінде ұсталды, - деп хабарлайды Tengrinews.kz тілшісі ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

Түркістан облысы Ордабасы ауданының әкімі пара алып жатқан жерінде ұсталды, - деп хабарлайды Tengrinews.kz тілшісі ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

"ҚР Мемлекеттік қызмет істері және сыбайлас жемқорлыққа қарсы іс-қимыл агенттігіне қарасты Сыбайлас жемқорлыққа қарсы іс-қимыл ұлттық бюросы Түркістан облысы Ордабасы ауданының әкімін пара алып жатқан жерінде ұстады. Ол әкімдік аумағын абаттандыру жұмыстары бойынша ұйымның есепшотына кедергісіз қаржы аударып отыру үшін мердігер компанияның басшысынан 200 мың теңге көлемінде пара алды деген күдік бар", - делінген хабарламада.

Сотқа дейінгі тергеу жүріп жатыр.

Еске сала кетейік, бұған дейін Түркістан облысы Ордабасы ауданының әкімі Рашид Қайыпжановтың ұсталғаны хабарланған болатын. Алайда ол кезде антикоррупциялық қызметтегілер оның не үшін ұсталғанын нақтыламады.

Құқық қорғау органдары Ұстау Түркістан Сыбайлас жемқорлық соңғы жаңалықтар Пара

TENGRI travel