21 қыркүйек 2024 | 10:18

Түркістан облысында сотталғандар шу шығарды

Фото ©️ Tengrinews.kz / Турар Казангапов

Түркістан облысында сотталғандар шу шығарды, - деп хабарлайды Tengrinews.kz тілшісі.

Түркістан облысы ҚАЖД баспасөз қызметінің хабарлауынша, түзеу мекемесіндегі кейбір тұтқындар қамауда ұстау режимімен келіспеуіне байланысты шу шығарған.

20 қыркүйек күні кешке сотталғандар электр трансформаторын өртеп жіберген. Тәртіпсіздік кезінде Ұлттық ұланның екі әскери қызметкері мен бір полиция қызметкері жеңіл жарақат алып, оларға медициналық көмек көрсетілген.

"Аталған факті бойынша Қылмыстық кодекстің 428-бабының 3-бөлігі бойынша қылмыстық іс қозғалды (Қылмыстық-атқару мекемесі әкімшілігінің заңды талаптарына бағынбау, Қоғамнан оқшаулауды қамтамасыз ететін мекеме әкімшілігінің заңды талаптарына топтасып бағынбауды ұйымдастыру, сол сияқты күш қолданумен немесе өзіне қандай да бір қасақана зиян келтірумен ұштасқан не өзге де ауыр зардаптарға әкеп соққан топтасып бағынбауға қатысу), - деп хабарлады облыстық қылмыстық-атқару жүйесі департаментіндегілер.

Сілтемесіз жаңалық оқисыз ба? Онда Telegram желісінде парақшамызға тіркеліңіз!