+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Әліпбек Өсербаев Түркістан әкімі болып тағайындалды, - деп хабарлайды Tengrinews.kz тілшісі облыс әкімдігінің баспасөз қызметіне сілтеме жасап.
Әліпбек Өсербаев Түркістан әкімі болып тағайындалды, - деп хабарлайды Tengrinews.kz тілшісі облыс әкімдігінің баспасөз қызметіне сілтеме жасап.
"2018 жылдың 21 маусымында Түркістан облысының әкімі Жансейіт Түймебаевтың өкімімен ҚР Президенті әкімшілігінің және Түркістан қалалық мәслихатының келісімімен Түркістан қаласы әкімі болып Әліпбек Шәріпбекұлы Өсербаев тағайындалды", - делінген әкімдіктің сайтында.
Облыс басшысы қала активімен өткізілген бас қосуда облыс орталығы болып Түркістан қаласының бекітілуімен құттықтап, қала басшысын таныстырды.
Әліпбек Шәріпбекұлы Өсербаев 1961 жылы туған, білімі жоғары, мамандығы бойынша біліктілігі инженер-химик-технолог. Еңбек жолын 1983 жылы Қарағанды асбест-цемент өнімдерін шығаратын зауытының машинисті ретінде бастаған.
1986-2014 жылдары Түркістан қаласы құрылыс детальдары мен конструкциялары комбинаты зертханасының инженері, мастері, экономисті, цех бастығы, бас инженері, "Қуат Суиндустрия" АҚ, "KazakhConstruction Industry" АҚ Түркістан қаласы рудасыз материалдар комбинаты филиалдарының директоры, Түркістан қалалық мәслихаты хатшысының міндетін уақытша атқарушы, Түркістан қаласы құрылыс бөлімінің меңгерушісі, Кентау, Түркістан қалалары әкімдерінің орынбасары, Түркістан қаласының әкімі, облыстық кәсіпкерлік және индустриялды-инновациялық даму басқармасының басшысы, Оңтүстік Қазақстан облысы Түркістан қаласының әкімі болып лауазымдарын атқарған.
2017 жылдың желтоқсан айынан бастап Оңтүстік Қазақстан облысы әкімінің бірінші орынбасары лауазымында қызмет етіп келген.
Өңір басшысы Жансейіт Қансейітұлы тарихи әрі сындарлы кезеңде Түркістан қаласының әкіміне және әкімдік құрылымдарына артылатын жауапкершіліктің жүгі ауыр және бірлесіп атқаратын шаруаның көп екендігін екендігін жеткізді.
Сондай-ақ, қала әкіміне Түркістан қаласының Бас жоспарын тездетіп әзірлеуді, заман талабына сай қаланың даму динамикасын одан әрі арттыруға қажетті бағыттарды жетілдіруді және тұрғындар мен туристерге қолайлы жағдай жасау мақсатында қаланың инфрақұрылымын қалыптастыру тапсырылды.
