+7 (777) 001 44 99
Қазақша
Русский
English
ҚР Премьер-министрі Кәрім Мәсімов Үкіметтің кеңейтілген отырысында Президент айтқан міндеттерді іске асыруға арналған шұғыл отырыс өткізді, - деп хабарлайды Тengrinews.kz тілшісі Үкіметтің баспасөз қызметіне сілтеме жасап.
Премьер-министр шұғыл отырыс барысында кабинет мүшелеріне Мемлекет басшысы қойған міндеттерді іске асыру жөнінде бірқатар тапсырма берді. "Мемлекет басшысы бізден берілген барлық тапсырманың нақты орындалуын күтеді. Қазіргі уақытта біз білек сыбана отырып жұмысты жалғастыруымыз қажет", - деді Мәсімов министрлер кабинеті мүшелеріне.
Еске салайық, бүгін Ақордада Президент Нұрсұлтан Назарбаевтың қатысуымен Үкіметтің кеңейтілген отырысы өтті. Онда министрлер елдегі қазіргі экономикалық ахуал жөнінде баяндама жасады. Мемлекет басшысы жұмыс орындарын сақтауды, ұлттық валютаны қолдауды, шекаралас өңірлерге басқа нарық іздеуді, 2015 жылдың республикалық бюджетін қысқартуды, халықтың ақшасын ысырап етпеуді, отандық өнімді тұтынуды тапсырды және басқа да міндеттерді алға қойды.
