ҰҚК: Алматы облысында терроризмді насихаттады деген күдікті ұсталды

5 қазанда ҰҚК прокуратураның үйлестіруімен және полиция органдарымен әрекеттесе отырып терроризмді интернет желісі арқылы насихаттағаны үшін Алматы облысының тұрғынын ұстады, - деп хабарлайды Tengrinews.kz тілшісі ҰҚК баспасөз қызметіне сілтеме жасап.

"Оның тұрғылықты мекенжайына тінту жүргізу кезінде діни әдебиеттер мен өзге де заттай дәлелдемелер тәркіленді.

Қылмыстық кодекстің 256-бабы 2-бөлігі бойынша соталды тергеп-тексеру жүргізіліп жатыр", - делінген хабарламада.

Қылмыстық-процестік кодекстің 201-бабының 1-бөлігіне сәйкес өзге ақпараттар жарияланбайды.

Ұсталған адам бұған дейін жалпы қылмыстық қылмыстар жасағаны үшін сотты болған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!