ҰҚК Арқалық полицейлеріне қатысты істі тергеп жатыр

Дина Шарипханова Корреспондент

Фото:

ҰҚК Арқалық полицейлеріне қатысты тергеу жүргізіп жатыр, - деп хабарлайды Tengrinews.kz тілшісі.

Әлеуметтік желіде Арқалық Полиция басқармасы қызметкерлеріне қатысты тергеу басталғаны жайлы ақпарат тарады. Оны Қостанай облысының прокуратурасы растады.

"Қостанай облысы бойынша ҰҚКД Арқалық ПБ қызметкерлеріне қатысты тіркелген қылмыстық іс аясында бірқатар тергеу іс-шараларын жүргізді", - деп хабарлады Қостанай облыстық прокуратурасы.

Бұған дейін әлеуметтік желілерде тергеу шамамен 20 полиция қызметкеріне қатысты екені және қылмыстық іс жергілікті мамандандырылған ХҚКО жұмысына байланысты болуы мүмкін деген ақпарат тараған еді.

Алайда бұл мәліметтерді Қостанай облыстық прокуратурасы растаған жоқ. Ведомство істің мән-жайы тергеу мүддесіне орай жария етілмейтінін атап өтті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!