ҰҚК Ауғанстаннан Еуропаға заңсыз көші-қон арнасын тоқтатты

Фото: ҰҚК баспасөз қызметі

Ұлттық қауіпсіздік комитеті (ҰҚК) Ауғанстаннан Еуропаға заңсыз көші-қон арнасын тоқтатты, - деп хабарлайды Tengrinews.kz тілшісі.

Ұлттық қауіпсіздік комитеті (ҰҚК) Ауғанстаннан Еуропаға заңсыз көші-қон арнасын тоқтатты, - деп хабарлайды Tengrinews.kz тілшісі.

ҰҚК ШҚ "Алматы" шекаралық бақылау басқармасы Алматының ҰҚК департаментімен бірлесе, прокуратура органдарының үйлестіруімен Қазақстан аумағы арқылы Ауғанстан азаматтарының Ресейге және одан әрі Еуропа елдеріне заңсыз көші-қон арнасының жолын кесті.

"16 наурызда лауазымды тұлғаға 5 мың АҚШ доллары көлемінде пара беру әрекеті кезінде Ауғанстанның 4 азаматы ұсталды. Тергеу материалдарына сәйкес, бұл қаражат шетелдіктерді Испания мен Португалияның жалған төлқұжаттары бойынша Алматы халықаралық әуежайы арқылы тасымалдауды ұйымдастыруға арналған", - делінген хабараламада.

Қылмыстық кодекстің 394-бабы 1-бөлігінде және 367-бабында көзделген қылмыс белгілері бойынша соталды тергеп-тексеру жүргізіліп жатыр.

"Соттың санкциясы бойынша, ұсталған адамдарға қамауда ұстау түріндегі бұлтартпау шарасы қолданылды. Қылмыстық-процестік кодекстің 201-бабының 1-бөлігіне сәйкес өзге де ақпарат жария етуге жатпайды".

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Көші-қон Ауғанстан