+7 (777) 001 44 99
Қазақша
Русский
English
Қазақстан Президенті Қасым-Жомарт Тоқаев "Қазақстан Республикасы Ұлттық қауіпсіздік комитетінің кейбір мәселелері туралы" Жарлыққа қол қойды, - деп хабарлайды Tengrinews.kz тілшісі.
14 шілдедегі жарлыққа сәйкес Ұлттық қауіпсіздік комитеті құрамында жаңа Сыбайлас жемқорлыққа қарсы іс-қимыл қызметі құрылды.
Жаңа құрылым жеке заңды тұлға мәртебесіне ие болады және республикалық бюджеттен қаржыландырылады. Бұл қызмет сыбайлас жемқорлық құқық бұзушылықтарды анықтау, жолын кесу, ашу және тергеп-тексерумен айналысады. Сондай-ақ, қарсы барлау және жедел-іздестіру қызметі аясында жұмыс жүргізеді.
Қызметке кең өкілеттіктер берілген: сотқа дейінгі тергеулер мен жасырын тергеу әрекеттерін жүргізуден бастап, құжаттарды тәркілеуге, шетелдік арнайы қызметтермен өзара іс-қимыл жасауға дейін. Сонымен қатар, арнайы техникалық құралдарды қолдануға, тексерулер бастауға, ревизия мен аудитке тартуға, қажет болған жағдайда іздестіру және экстрадиция шараларына қатысуға құқылы.
Қызметтің директоры белгіленген тәртіппен тағайындалады және қызметтен босатылады, құрылым жұмысына жеке жауапкершілік арқалайды және оны мемлекеттік органдармен әрі халықаралық әріптестермен қарым-қатынаста таныстырады.
Жарлық қол қойылған күннен бастап күшіне енеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
