ҰҚК прокуратура органдарының үйлестіруімен және полицияның жәрдемдесуімен Қарағанды облысының тұрғынын ұстады, - деп хабарлайды Tengrinews.kz тілшісі ҰҚК баспасөз қызметіне сілтеме жасап.
2024 жылғы 3 қаңтарда Ұлттық қауіпсіздік комитеті прокуратура органдарының үйлестіруімен және полицияның жәрдемдесуімен Қарағанды облысының тұрғынын ұстады.
"Ол жұмыс орны бойынша және әлеуметтік желілер арқылы терроризмді насихаттады деген күдікке ілінген. Тергеу әрекеттері барысында заттай дәлелдемелер алынды.
ҚР ҚК-ның 256-бабы 2-бөлігі бойынша соталды тергеп-тексеру амалдары жүргізіліп жатыр", - делінген хабарламада.
Қылмыстық-процестік кодекс 201-бабының 1-бөлігіне сәйкес өзге ақпарат жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
