+7 (777) 001 44 99
Қазақша
Русский
English
Премьер-министр Әлихан Смайылов Қазақстанда базалық мөлшерлеменің неліктен жоғары екенін түсіндіріп, оны төмендету шарттарын атады, - деп хабарлайды Tengrinews.kz тілшісі.
"Базалық мөлшерлеме бойынша айтсақ, келісемін, ол жоғары. Өкінішке орай, бұл бағаны ұстап қалуға тікелей әсер етпейді. Біз бұл туралы Ұлттық банк төрағасымен де сөйлестік. Мысалы, өткен жылы көкөністер қымбаттаған кезде, бұл базалық мөлшерлеме жеткіліксіз болғандықтан емес, көрші елдерде бағалар екі есе жоғары болғандықтан және саудагерлер келіп, тікелей алаңнан екі есе қымбатқа алғандықтан болды. Әрине, фермерлер сатып алатын бағадан мүмкіндігінше жоғары сатады. Бұл жағдайда базалық мөлшерлеме бағаның өсуіне ешқандай қатысы жоқ", - деп түсіндірді Смайылов.
Сондай-ақ ол базалық мөлшерлемені көтеру дұрыс шешім деп санайтынын атап өтті.
"Біз базалық мөлшерлемені көтергенін дұрыс деп есептейміз. Өйткені инфляциялық болжам деген ұғым бар. Ол болжамдар кейбір объективті факторлардан бөлек үлкен инфляциялық процестерді туындатады. Нарықтағы ойыншылар инфляция болса, базалық мөлшерлеме өсуі керектігін түсінеді. Ал мұндай жағдайда базалық мөлшерлеме өспесе, инфляция одан әрі өршиді. Бұл инфляциялық болжамдармен тығыз байланысты. Сондықтан базалық мөлшерлеменің кезекті рет өсуі дұрыс болды деп ойлаймын", - деді Үкімет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
