+7 (777) 001 44 99
Қазақша
Русский
English
Премьер-министрдің орынбасары Серік Жұманғарин қазақстандық "КБР-Технологии" компаниясының америкалық санкцияға ұшырауы туралы айтты, - деп хабарлайды Tengrinews.kz тілшісі.
"КБР-Технологии" компаниясы америкалық санкцияға ұшырады: ол ресейлік әскери мердігерге жүк жеткізген деген болжам бар. Бұл туралы не айта аласыз?" - деп сұрады журналистер вице-премьерден Сенат кулуарында.
Жұманғарин бұл компанияның санкциялар тізіміне енгенін растады.
"Бірақ, Мемлекеттік кірістер комитеті мен Өнеркәсіп министрлігінің мәліметтері бойынша, бұл компания экспорт-импорт лицензиясына жүгінбеген. Бізде елуге жуық басым тауарлардың тізімі бар, олар бойынша компанияның субъектіге бағытталған профилін жасаймыз. Бұл санаттағы тауарларды Қазақстаннан әкелмеген немесе экспорттамағандықтан, оған бағытталған профиль құрастырылмаған. Қазір анықтап жатырмыз", - деп жауап берді шенеунік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
