+7 (777) 001 44 99
Қазақша
Русский
English
"Апатқа ұшыраған малайзиялық Boeing 777 бортында Қазақстан азаматтары жоқ-СІМ. Малайзиялық Boeing 777 ұшағының апатқа ұшырауына байланысты "Эйр Астана" әуе компаниясы Украина үстімен ұшатын кейбір бағыттарды өзгертетін болды" деп хабарлайды Tengrinews.kz әуе компаниясының баспасөз қызметіне сілтеме жасап.
""Эйр Астана" әуе компаниясы жүзеге асыратын Лондон, Франкфурт және Анталия бағыттары Украинамен жанаспайды, ал "Атырау - Амстердам - Атырау" бағытында ұшатын ұшақтар Украина территориясымен өтеді, сондықтан бағыт өзгеретін болады" деп хабарлайды баспасөз қызметі.
Десе де қазірге өзге де халықаралық әуе компаниялары сияқты "Эйр Астана" компаниясы да Ураина үстінен ұшатын бағыттардан толықтай бас тартуы мүмкін екені жайлы ақпарат жоқ.
Естеріңізге сала кетсек, апат 17 шілдеде орын алған еді. Малайзиялық Boeing-777 Донецкі облысына құлаған. Ұшақ бортында 298 адам болған. Деректерге қарағанда ұшақ "Бук" зениттік-зымыран қондырғысынан атып түсірілген.
Бұған дейін "Эйр Астана" коипаниясы Алматы – Киев бағытында жолаушы тасмалдауды уақытша тоқтатқан еді. Осыған орай "Эйр Астаны" компаниясы жолаушылардың билеттері басқа уақытқа ауыстырылатынын не еш комиссиясыз ақшасы қайтарылатынын хабарлады
