+7 (777) 001 44 99
Қазақша
Русский
English
Ұлттық банк валюта нарығы бойынша ақпараттық хабарлама таратты, - деп хабарлайды Tengrinews.kz тілшісі.
Сәуірдің қорытындысы бойынша, теңге бағамы 1 АҚШ доллары үшін 512,48 теңгеге дейін 1,6 пайызға әлсірегені айтылды. Қазақстан қор биржасындағы сауда-саттықтың орташа бір күндік көлемі бір айда 243 миллион АҚШ долларынан 246 миллион АҚШ долларына дейін ұлғайған. Сауда-саттықтың жалпы көлемі 5,4 миллиард АҚШ доллары болды.
Ұлттық Банк сәуірде валюталық интервенция жүргізген жоқ.
"Қысқамерзімді перспективада теңгенің динамикасы нарыққа қатысушылардың күтулеріне, тоқсандық салық төлемдеріне, әлемдік нарықтардағы ахуалға және геосаяси жағдайдың өзгеруіне байланысты болады. Ұлттық Банк теңгерімсіздіктің жинақталуына жол бермейтін және алтын-валюта резервтерінің сақталуын қамтамасыз ететін қолайлы бағам белгілеу режимін ұстана береді", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
