Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Ұлттық банк теңгенің нығаю себебін түсіндірді 18 мамыр 2022, 15:24

Ұлттық банк төрағасының орынбасары Әлия Молдабекова теңгенің нығаю себептері мен халықаралық резервтердің неліктен өзгергенін түсіндірді, -
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Фото ©REUTERS Фото ©REUTERS

Ұлттық банк төрағасының орынбасары Әлия Молдабекова теңгенің нығаю себептері мен халықаралық резервтердің неліктен өзгергенін түсіндірді, - деп хабарлайды Tengrinews.kz тілшісі.

Молдабекованың сөзінше, сәуірде жаһандық қаржы нарығындағы белгісіздік пен тұрақсыздыққа қарамастан, теңге 4,6 пайызға дейін нығайды.

"Сәуірде шетел валютасына сұраныстың айтарлықтай төмендегені байқалды. Қазақстан қор биржасында сауда-саттықтың орташа көлемі 179 миллион доллардан 92 миллион долларға дейін төмендеді. Шетел валютасына сұраныстың төмендеуі, ең алдымен, логистикалық тізбектердің тоқтатылуы және жеткізудегі ықтимал үзілістер нәтижесінде импорттың, оның ішінде Ресей импортының төмендеуіне байланысты болды. Сонымен қатар, қазіргі жағдайды ескере келе, Ресей Федерациясының белгілі бір өнім түрлерінің экспортына шектеу шараларын қолдану жағдайында импортты басқа нарықтарға қайта бағыттауға болады, бұл белгілі бір уақытты қажет етеді", - дейді ол. 

Ұлттық банк төрағасының орынбасары сыртқы нарықта тұрақсыздықтың сақталуы нарық қатысушылары белсенділігінің төмендеуіне ықпал ететінін ескертті.

"Жалпы алғанда, нарықтағы сентимент өзгеріп, жеке тұлғалардың тарапынан сұраныс тұрақтанды, бұл да теңгенің бағамына оң әсер етеді. Теңгедегі активтерді қорғау шаралары және Ұлттық банктің мөлшерлемені 14 пайызға дейін көтеруі – қаржы нарығының тұрақтылығын қамтамасыз етуге және теңгедегі депозиттердің тартымдылығын қолдауға ықпал етеді", - деп қосты ол. 

Сонымен қатар, Молдабекова сәуірде Ұлттық банктың валюталық интервенция жүргізбегенін қосты.

"Ұлттық валюта бағамының қысқа мерзімді ауытқулары болған жағдайда сату жағынан, сол сияқты сатып алу жағынан Ұлттық банк валюталық интервенция жасамады. Ұлттық банк теңгенің қалыпты құбылмалылығын шектемейді", - дейді ол. 

Ұлттық банк жыл басынан бері ұлттық валютаның әлсіреуі небәрі 0,2%-ды құрағанын жариялады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram