+7 (777) 001 44 99
Қазақша
Русский
English
Ұлттық банк төрағасының орынбасары Әлия Молдабекова Украина төңірегіндегі геосаяси шиеленістің күшеюі теңгеге қалай әсер еткені туралы айтты, - деп хабарлайды Tengrinews.kz тілшісі Ұлттық банктің баспасөз қызметіне сілтеме жасап.
Молдабекова Украина төңірегіндегі жағдайдың одан әрі шиеленісуі және геосаяси тәуекелдердің артуы аясында қаржы нарығындағы құбылмалылық күрт өскенін атап өтті. Оның айтуынша, Ресейге қарсы санкциялардың күшеюі және жаһандық инвесторлардың ресейлік активтерден одан ары кетуін күту Ресей рубліне қысым жасап отыр.
"Соңғы тәулікте рубльдің әлсіреуі 4 пайызқа жетті. Қазіргі уақытта бір доллар 80,5 рубль. Ресейлік MICEX акцияларының индексі кеше 10,5 пайызға төмендеді, бүгін ол 5 пайызға төмендеді", - деді ол.
Барлық әлемдік және жергілікті нарықтарға әсер ететін негізгі сауда серіктесі нарығындағы жағдайды ескере отырып, қазақстандық қаржы нарығы үшін тәуекелдер де өсті.
"Рубльдің әлсіреуі теңгеге қысым жасады. Бүгін теңге 2,6 пайызға, бір доллар үшін 426,5 теңгеден 437,80 теңгеге дейін әлсіреді. Экспорттаушыларға ақпан айындағы салық аптасының аясында теңгенің сатылымы және барреліне 92-97 доллар аралығында сақталып, жекелеген сәттерде 98-99 белгісіне жеткен мұнайдың жоғары бағасы қолдау көрсетеді", - деп мәлімдеді Молдабекова.
Әлия Молдабекова ішкі валюта нарығындағы ахуалдың тұрақсыздануын болдырмау үшін күрт өскен құбылмалылық аясында Ұлттық банк бүгінгі сауда-саттық барысында шамалы валюталық интервенция жүргізетінін айтты. Оның айтуынша, қазіргі уақытта олардың көлемі 33 миллион доллар, сауданың жалпы көлемі 155 миллион доллар, бұл барлық сауданың 20 пайызы.
"Ұлттық банк құбылмалы айырбас бағамы қағидаттарын ұстанады. Біз қаржы нарықтарындағы жағдайды, атап айтқанда Украинамен болған жағдайға байланысты оқиғалардың дамуын мұқият қадағалаймыз. Нарықтың одан ары серпіні көбінесе санкциялардың сипаты мен тереңдігіне және олардың Ресей экономикасына әсеріне байланысты", - деп қорытындылады Ұлттық банк төрағасының орынбасары.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
