+7 (777) 001 44 99
Қазақша
Русский
English
Теңгенің өзгермелі бағамы елдің алтын-валюта қорын сақтап қана қоймай, сонымен қатар оларды қалпына келтіру процесін бастауға да мүмкіндік берді. Қыркүйек ішінде Ұлттық банктің алтын-валюта қоры 2,9 пайызға өсіп, 31,4 миллиард долларды құраған, - деп хабарлайды Tengrinews.kz тілшісі. Бұл туралы ҚР Ұлттық банкінің төрағасы Данияр Әкішев ШҚО Өңірлік коммуникациялар қызметіндегі баспасөз конференциясы барысында хабарлады.
Сондай-ақ, ол қыркүйек айының қорытындылары бойынша Ұлттық қордың валюта активтері 64,4 миллиард долларды құрағанын айтты. Оның айтуы бойынша, еліміздің халықаралық қоры 2016 жылғы қыркүйек айының соңында 95,8 миллиард долларды құраған.
"Қаржы нарығындағы жағдайдың жақсаруы, экономикада оң белгілердің пайда болуы және оң болжамдардың қалыптасуы қазан айының басында базалық мөлшерлемені 12,5 пайызға дейін төмендету туралы шешім қабылдауға негіз болды. Тәуекелдердің төмендеуіне және тұрақтылықтың расталуына қарай, базалық мөлшерлеменің одан әрі де төмендетілуі мүмкін", - деді Ақышев.
Сонымен қатар, ШҚО ақпараттық орталығында Қазақстанның Ұлттық Банкінің басшысы Өскеменге сапармен келгенін хабарлады. Ол "Алтай Invest-2016" халықаралық инвестициялық форумына қатысып, ҚР ҰБ Шығыс Қазақстан филиалында болды.
