+7 (777) 001 44 99
Қазақша
Русский
English
ҚР Ұлттық экономика министрлігінің комитет жетекшілері тағайындалды, - деп хабарлайды Tengronews.kz тілшісі ведомствоның баспасөз қызметіне сілтеме жасап.
Ұлттық экономика министрлігінің құрамына бес комитет кіреді. Құрылыс, тұрғын үй-коммуналдық шаруашылық істері және жер ресурстарын басқару комитетінің төрағасы болып Қосман Айтмұхаметов тағайындалды, ол ҚР Өңірлік даму министрінің орынбасары болған еді.
Министрліктің Статистика комитетінің басшысы - Әлихан Смайылов, ол бұрын Статистика агенттігін басқарды. Табиғи монополияларды реттеу және бәсекелестікті қорғау комитетінің басшысы болып Серік Жұманғарин тағайындалды, ол бұрын ҚР Өңірлік даму министрінің орынбасары болды.
Тұтынушылар құқықтарын қорғау комитетінің басшысы болып бұрын Бәсекелестікті қорғау комитеті төрағасының орынбасары қызметін атқарған Әлиақпар Мәтішев тағайындалды. Ұлттық экономика министрлігінің Мемлекеттік материалдық резервтер комитетіне бұған дейін ҚР Төтенше жағдайлар министрлігінің Мемлекеттік материалдық резервтер комитетін басқарған Асқар Саду төраға болды.
Еске сала кетейік, 6 тамызда Үкіметтің кеңейтілген отырысында Президент Нұрсұлтан Назарбаев ведомстволарды қайта құрған болатын. "Үкіметтің 12 министрліктен, 30 комитеттен тұратын жаңа құрылымы жөнінде шешім қабылдадым. 17 министрлік, тоғыз агенттік, 54 комитет пен 272 департаменттің орнына", - деген болатын Назарбаев.
