+7 (777) 001 44 99
Қазақша
Русский
English
Қазақша
Русский
English
Қазақстан Республикасы Қорғаныс министрлігі Ұлы Отан соғысындағы Жеңістің 80 жылдығына орай қазақстандықтарды марапаттау жоспары туралы айтты, - деп хабарлайды Tengrinews.kz тілшісі.
Ведомство жыл сайын соғыс және тыл ардагерлерін құттықтау іс-шаралары өткізіліп тұратынын еске салды.
"Қорғаныс министрлігі әскери-патриоттық іс-шараларды, ерекше көзге түскен әскери қызметшілерді құрметтеуді, соғыста қаза тапқан қазақстандық жауынгерлердің естелігін мәңгі есте қалдыру және олардың ерліктерін бұқаралық ақпарат құралдарында жариялау жұмыстарын жоспарлап, жүзеге асырып жатыр. Министрлік тарапынан ардагерлерді мерейтойларымен, мемлекеттік мерекелермен құттықтау тұрақты түрде өткізіледі", – делінген Қорғаныс министрлігінің Tengrinews.kz редакциясының ресми сауалына берген жауабында.
Сондай-ақ көптеген қазақстандықтарға естелік медальдар табысталады.
"Жеңістің 80 жылдығына арналған естелік медальді 42 мың адамға табыстау жоспарланып отыр. Ол, ең алдымен, Ұлы Отан соғысының ардагерлері мен тыл еңбеккерлеріне арналған. 7 және 9 мамырда өткізілетін өзге де іс-шаралар туралы ақпарат министрліктің сайтында жарияланады", – делінген жауапта.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
