+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Универсиаданы әлемнің 80 елінде 1 миллиард телекөрермен тамашалаған, - деп хабарлайды Tengrinews.kz тілшісі премьер-министрдің сайтына сілтеме жасап.
Универсиаданы әлемнің 80 елінде 1 миллиард телекөрермен тамашалаған, - деп хабарлайды Tengrinews.kz тілшісі премьер-министрдің сайтына сілтеме жасап.
Алматыда өткен 28-ші Бүкіләлемдік қысқы Универсиада-2017 қорытындылары туралы премьер-министр Бақытжан Сағынтаевтың төрағалығымен өткен Үкіметтің кезекті отырысында мәдениет және спорт министрі Арыстанбек Мұхамедиұлы баяндады.
Арыстанбек Мұхамедиұлының айтуынша, Универсиада-2017-ге барлығы 57 елден 1 632 спортшы қатысты, 3 000-нан астам ерікті үлес қосты. Универсиаданың барлық іс-шараларына қатынасуға 230 мыңнан астам билет сатылды.
Универсиада-2017 көрсетілімі EUROSPORT 1 және 2, CBS (АҚШ), CCTV (Қытай), KBS (Оңтүстік Корея), Матч-ТВ (Ресей), Eurosport Asia-Pacific (Австралия және Океания) арналарынан 80 елде 1 миллиард телекөрермендік аудиторияға көрсетілді.
2017 жылғы Бүкіләлемдік қысқы Универсиада сайыстары 8 спорттық нысанда спорттың он екі түрі бойынша өтті, олардың үшеуі - "Алматы арена", "Халық арена" және "Атлетикалық ауыл" Универсиадаға арнап салынды.
Қазақстандық студенттер құрамасынан 12 спорт түріне 171 спортшы қатысты. Медальдардың рекордтық санына – 36 (11 алтын, 8 күміс және 17 қола) ие болды және жалпы командалық есептің қорытындысы бойынша Қазақстан 2-ші орын алды.
Мәдениет және спорт министрлігінің басшысы 5 медаль иеленген шаңғышы Анна Шевченконы, биатлоншы Галина Вишневскаяны - 4 медаль, және еліміздің қоржынына алтын медаль салған басқа да спортшыларды ерекше атап өтті.
"Біздің спортшыларымыздың жеңісі барлық спорт жұртшылығын дүр сілкіндірді және бүкіл әлемдегі спортсүйер қауымды бейжай қалдырған жоқ. Сонымен бірге, Универсиададағы спорттық жеңістер еліміздің жоғары экономикалық, әлеуметтік және мәдени дамуының дәлелі болып табылады", - деп түйіндеді Арыстанбек Мұхамедиұлы.
