+7 (777) 001 44 99
Қазақша
Русский
English
Қазақстанда ҰОС ардагерлеріне берілетін бір реттік көмектің көлемі белгілі болды, - деп хабарлайды Tengrinews.kz тілшісі ҚР Денсаулық сақтау және әлеуметтік даму министрлігінің баспасөз қызметіне сілтеме жасап. Бұл жөнінде ҚР Президенті жанындағы Орталық коммуникациялар қызметіндегі "ҰОС-ғы Жеңістің 70 жылдығына арналған іс-шаралар туралы" тақырыбында өткен брифингте ҚР Денсаулық сақтау және әлеуметтік даму вице-министрі Светлана Жақыпова мәлімдеді.
Светлана Жақыпованың айтуынша, 2015 жылы Ұлы Отан соғысына қатысқандар мен мүгедектерге, оларға теңестірілген тұлғаларға, тыл еңбеккерлеріне және Ұлы Отан соғысындағы Жеңіске үлес қосқан ҚР өзге де азаматтарына бір реттік материалдық көмек беруге республикалық бюджетте 5,8 миллиард теңге қарастырылған.
Нақты айтқанда, бір реттік материалдық көмектің көлемі мынадай:
- ҰОС қатысқандар мен мүгедектерге - 100 мың теңге;
- ҰОС қатысқандар мен мүгедектерге теңестірілген тұлғаларға, Жеңіске үлес қосқан азаматтарға - 70 мың теңге;
- ҰОС кезінде қаза тапқан әскери қызметкерлердің жұбайларына, ата-аналарына, Ленинград қоршауында болған тұрғындарға және Екінші дүниежүзілік соғыс жылдары фашистер мен олардың одақтастары құрған концлагерлерде, гетто және өзге де мәжбүрлеп ұстау орындарында кәмелеттік жасқа дейін тұтқында болғандарға - 30 мың теңге;
- тыл еңбеккерлеріне және Ұлы Отан соғысының қайтыс болған мүгедектерінің жұбайларына, Ұлы Отан соғысындағы Жеңіске қосқан үлесі үшін оларға теңестірілген тұлғаларға 25 мың теңге төленеді.
